जुलूमशाहीचा होता एक काळ... छत्रपती संभाजी महाराजांना समर्पित कवी अनंत राऊत यांची कविता | Poem on Chatrapati Sambhaji Maharaj by Anant Raut

 जुलूमशाहीचा होता एक 'काळ' रयतेचा छळ । माजलेला

तोडण्यां ती नाळ अन्यायाची माळ 

जन्मा आला बाळ | शंभूराजा

मुघलांची सत्ता माणसांची मंदी वासनेची धुंदी । चढलेली

वाचविल्या माता गुलामासबंदी नारीला जो वंदी । शंभूराजा

संस्कृतचा ग्रंथ बुधभूषणम लागतो जनम । समजाया

तो नाईकाभेद तो नखशिखांत केला पादाक्रांत । ज्ञानमार्ग

कापलेली मांन झुकलीच नाही चालेनाच काही । औरंग्यान्चे

रयतेच्यासाठी रक्तात नाहला अजिंक्य जाहला । शंभुराजा

जळता जळता संपले जीवन आयुष्याचे रान । शंभूराजा

स्वराज्यासाठीच तन-मन-धन

खरे बलिदान । शंभूराजा

मावळ्यांनो आज बाप हा जाणवा आदर्श मानावा । शंभूराजा

काळजात ठेवा धगधगता दिग शिवबांचा छावा । शंभूराजा

डोंगरदरीत कडा कपारीत

आजही इथल्या पवित्र मातीत माणूस जातीत

हर एक जळत्या दिव्याच्या वातीत 

मर्दाच्या छातीत । शंभूराजा

कवी - अनंत राऊत