Poem : निर्णय
ठेच लागली तर
सावर स्वतःला.
वाट भरकटली तर
आवर स्वतःला.
.
नविन निर्णय घेताना
तू नेहमीचं का अडतो?
लोकं काय म्हणतील याचा
तुला का फरक पडतो?
.
बोलणाऱ्यांच काय आहे
ते तर बोलतच राहणार.
त्यांची कामगिरी ते
चोख बजावणार.
.
टिका होणार
पाय खेचले जाणार.
तुझ्या संघर्षाची जाणीव
इतरांना नाही होणार.
.
तुझ्या विचारांची प्रगल्भता
तुझ्या कृतीतून दिसु दे.
नाठाळांच्या नादी लागण्यात
अर्थ नाही हे लक्षात असू दे.
.
काय चुक, काय बरोबर
ही निवड तुझी असू दे.
बाकी तू तुझ आयुष्य
पुरेपूर जगुन घे.
- दर्शना कुलकर्णी pune
1 टिप्पण्या
अप्रतिम
उत्तर द्याहटवा