ॠण | इयत्ता पाचवी मधील कविता run marathi kavita

 

---

www.FMmarathi.in

---

तुझ्या शेतात राबून 

माझी सरली हयात 

नको करू हेटाळणी 

आता उतार वयात ॥ १ ॥ 

नाही राजा ओढवत 

चार पाउले नांगर 

नको बोलूस बंगाळ 

नको म्हणूस डंगर ॥ २॥ 

माझ्या ऐन उमेदीत 

माझी गाईलीस ओवी 

नको चाबकासारखी 

आता फटकारू शिवी ॥ ३ ॥ 

माझा घालवाया शीण 

तेव्हा चारलास गूळ 

कधी घातलीस झूल 

कधी घातलीस माळ ॥ ४ ॥

अशा गोड आठवणी 

त्यांचे करीत रवंथ 

मला मरण येऊ दे 

तुझे कुशल चिंतीत ॥५॥ 

मेल्यावर तुझे ठायी 

पुन्हा एकदा रुजू दे

माझ्या कातड्याचे जोडे 

तुझ्या पायात बाजू दे ॥ ६॥