“निराशा..!जीवन हे अनमोल आहे महत्व तयाचे जाणून घे
मानव जन्म पुन्हा नाही वहीत मनाच्या लिहून घे !
अपयश हीच आपल्या यशाची पायरी असे
अशा अपयशातूनच उज्वल यशाचा मार्ग दिसे !
काट्यातही त्या गुलाबाचे लावण्य तू पाहून घे
जीवनातील चढ-उताराचा सामना तू करुन घे !
जीवन तुझे जगला आजवर स्वत:कडे निरखून बघ
राहिलेले जीवन तुझे कुटुंबासोबत जगून बघ !
जीवन हे सुंदर आहे निराश तू होऊ नको
'तू सुंदर जीवनाचा आस्वाद घे आत्महत्या तू करु नको...
डॉ. माधव कुद्रे
0 टिप्पण्या